Expressarte: 15 visións a prol da igualdade

 O Proxecta "Por 365 días de igualdade" e o Club de Letras do IES Agra de Raíces planificaron e acolleron no centro, desde o 14 ata o 28 de abril, a exposición "Expressarte: 15 visións. Unha perspectiva de diferentes realidades dende o punto de vista da Arte". En quince láminas, os creadores desta iniciativa non só versionan grandes aportacións pictóricas, senón que tamén, e sobre todo, actualizan o seu significado para transmitir unha mensaxe de esperanza liberadora ante os problemas e de búsqueda da igualdade como unha forma de vida e un dereito indispensable.