Benvida
Benvidos/as ao blogue do Club de Letras do IES Agra de Raíces!
O IES Agra de
Raíces participou durante o curso 2019-2020 no programa de innovación
educativa “Club de Letras”, dedicado á reflexión sobre o significativo papel
das mulleres nas artes. Da extraordinaria acollida que esta proposta de
traballo obtivo tanto entre o alumnado, como entre o profesorado do centro,
emana o desexo do IES Agra de Raíces de continuar formando parte desta
iniciativa que potencia o emprendemento, o desenvolvemento do pensamento
crítico, da reflexión, a lectura analítica e a realización de actividades creativas
e funcionais, de aplicación directa ao tema abordado. Por iso, durante o curso
2020-21, os membros integrantes do Club de Letras do centro achegaranse ao
concepto do “coidado como contido coeducativo”, entendido nun sentido amplo e
multidireccional, que abarca a comprensión da responsabilidade e a
corresponsabilidade na atención ás necesidades das persoas que se atopan en
situación de vulnerabilidade.
Comentarios
Publicar un comentario