"Cee en igualdade"

 O pasado 25 de novembro (Día Internacional contra a Violencia de Xénero), o alumnado de Coeducación de 1º Bacharelato do IES Agra de Raíces repartiu entre os seus compañeiros de 1º e 2º ESO uns xogos didácticos protagonizados polos "Bolechas" e titulados "Cee en igualdade". Estes céntranse, simultaneamente, na historia da comarca, e na reflexión arredor de valores fundamentais do ser humano, como o respecto cara os demais, a convivencia harmónica e a igualdade de dereitos e condicións. Estes materiais foron creados e cedidos ao noso centro pola Concellería de Presidencia, Benestar Social, Emprego e Igualdade de Cee, en colaboración co Centro de Información ás Mulleres (CIM).